Skip to main content

MAITE KHUA - Vanlalhriata Pautu




        Maite khua Geographical location chu hetiang hi a ni. Maite khua hi Mizoram, Aizawl District chhunga awm niin, Aizawl aṭanga chhim chhak lam Mizoram laili taka awm a ni. Latitude 23°30’ N leh Longtitude 93°E a awm a ni a. Altitude 400m vel a ni, Rainfall chu 2000mm – 2500mm niin, Maite ram hi Tropical Evergreen Forest & Semi Evergreen Forest a ni. Ṭawi Wildlife Sanctuary bulṭhut khawchhak lam a awm a ni. Kumtluanin, nipui lai tih loh chuan khua a vawt nuam ṭhin hle. April - August chhung hian ruahtui a tla tamin, khua pawh a lum deuh ṭhin.  Khaw awmdan (Temperature) chu Nipui lai in 20°- 33° C leh Thlasik ah 8°- 20° C a ni. Favang boruak a nuam hle a, a vawt lova hetih lai hian a lum huam huam lo  a ni.

 Ṭawi Constituency ah awmin, Saitual Police Station, Saitual Sub-Division(Civil) leh Thingsulthliah Rural Development Block huam chhung ah a awm a, Power & Eclectricity chu Serchhip, Bukpui Transmission aṭanga pek a ni.  Ṭawitlang bulṭhut Zotui chu Maite, Chhawrtui leh Saitual Town area ten tuilak hnar ah ringin ṭhal lai pawhin tuihna hi a kang ngai lo a ni. Aizawl aṭangin Km 103 vela awm a ni. Aizawl – Seling - Keifang thleng Champhai Road; National Highway No. 54-ah kalin Keifang kawn-ah Chhimlam hawi zawnga pengin Rulchawm - Ruallung - Mualpheng - Tawizo Khua kal tlangin Maite khua hi Truck Road a laih pawh a ni. Mualpheng leh Maite inkar kawng PMGSY Scheme kaltlangin Truckable Road (Unsurface road) hi Km 25 a thui a ni. Chhingchhip aṭangin, Hmunṭha PMGSY Truckable Road zawhin Hmunṭha leh Maite inkar Km 8 Jeepable Road a kal theih a ni a, Hualtu Km 16 Jeepable Road a kal theih a ni bawk. Maite aṭang hian Puilo Km 15, Chhawrtui Km 11, Rullam  Km 13 chu Tuivawl lui kal kaiin ke a in kalpawh theih a ni bawk.

Kum 2011-ah hian Maite khuaah mihring 1043 awmin chhungkua 187, In ding zawng zawng zat chu 213 a ni. Zirna lamah Anganwadi Centre - 2, Elimentary English Medium (Presbyterian English School) -1, Primary School - 1, Middle School - 1, High School – 1 a awm. Sakhuana lamah Kohhran hrang hrang Pathian Biakin nei hrang; Presbyterian, Isua Krista Kohhran,UPC (NEI), UPC (Mizoram) leh Mimal ina inkhawmna hun hmang ṭhin Mizo Israel Thar, Roman Catholic, Seventh Day Adventist an awm a ni. Hriselna lamah Health Sub-Centre pakhat neih a ni a, Public Water point (Tuilak) 20-ah a awm. Public playground pakhat,  Community Hall pakhat, VC Hause pakhat,  YMA Information Centre (YMA Rûn), YMA Public Library leh MHIP CRECHE centre pakhat   a awm bawk.

Comments

Post a Comment

Popular posts from this blog

HOSPITAL RUNTHLAK TAK CHU!

Lalengzuala Pautu Maenga March 11, 2012  ·  HOSPITAL RUNTHLAK TAK CHU!!!... spital chhungah chuan a nunna thapa tlanluh rawk rawk a duh a ni. Mahse, kawngkhar vengtute chuan Hospital-a lut reng reng sum pe kim lova chhuah theih a nihloh thu hrilh in, chu tlangval pawh chu a Nu lachhuak tura Hospital chhunga luh an phal tlat lo!! A hmangaih a NU tan thingthia kutsuih meuha khawngaih dil in, mei alh sen zuai zuai leh khu dum ngun chhungah chuan luh dilin Damdawi In Gate vengtute chu tahawh ngawih ngawih mahse ngaihsak a hlawh silo! “Engati nge khawngaihna tlem tal pawh lantir lova, he dan nunrawng ber hi ka lakah in lekkawh tlat theih zawk ni!?” tiin Gate vengtute kianga thingthi hnawk chung chuan a tap zawih zawih a. Chu tlangval chuan Hospital Gate vengtute hnenah chuan cheng sing nga an pek tawh thu leh a bak cheng singkhat nen chuan khawi hmunah mah an tlanbo loh tur thu sawi lawm lawm mahse ngaihsak a hlawh silo. “Ni hnih hnu ah chuan Hospit...
Post a Comment
Read more

EI LEH BARA INTODELH, MAITE KHUA

A pian chhuah dan leh a luah hmasatute: Mizoram thingtlang khua kan tih zingah hian Maite khua tluka ei leh bara intodelh hi awm chuangin ka ring lo. Ram buai laia an tuar dan leh khaw khawm dan pangngai ni lo, inkahna avanga sipai thinrimin an khua leh an thil neih zawng zawng halfaisak kelh a, hak thlak pakhat te mah nei lova, khaw pahnih kalkana an hruaikhawm an ni tih hretu chuan hetia an intodelh leh thei mai hi mak ti lo fa an awm lovang. Maite khua hi Kum 1720 – 1730 vela Lusei hoten Tiau lui an rawn kan lai a, an hmaa thlang lo tla hmasa Hmar (Hman lai chuan Hmarh an ti) ho khuate zinga pakhat a ni.  Biate leh a chheh velah khian eng emaw ti chhung chu an khawsa kual phawt a. Chumi hnuah ho khat chu Lalmanganu hovin Maite-ah hian an rawn tla thla a. Tun thleng hian an sul hnu hmuh tur a la awm a. ‘Lalmanganu Lawm rawih ni’ tih pawh Maite an awm lai a mi hi a ni. Maite khua hi khaw taimaa sawi reng thin an ni a. Ei leh barah pawh Mizoram khuaah hian anni aia intodelh an awm ...
Post a Comment
Read more