MAITE KHUA ALO PIAN DAN LEH A LUAH HMASA TUTE Kum 1720 - 1730 inkar vel khan Lusei(Mizo) ho ten Ṭiau lui an rawn kan thla a. Chumi hma chuan Thlang lo tla hmasa ho an lo awm tawh a, chung zinga hnam pakhat chu Hmarh ho hi an ni.(Hman lai chuan hmarh an ti). Chung hmar hnam ho chu Biate leh a bul vel ah khian hun engemawti chhung chu an khawsa kual phawt a, chumi hnu ah ho khat chu Lalmanganu ho in Maite ah hian an lo chhuk thla ta zel a ni. Hengho sulhnu hi tun thlengin hmuh theih tur ala awm hlawm a ni. Chhawrtui kawng Mubu tlangah te an lungphun te la awmin, Mualkhangah te an lungrem te pawh hmuh tur ala awm bawk. Milupuk ah hian Darbu engemaw zat leh ruhro te an phum thu sawi a ni bawk. Tuna Tahhlawh khamko ah hian, tlangvalho ten Ṭhihna te an tat(nawt) thin a, nula te Ṭhihna an nawh saknaah chuan engemawte an hlawh ṭhin a ni ang, tun thleng hian “Tahhlawhko” tih hming alo put phah ta a ni. Tichuan Maite lo luah hmasatu Hmar hnam chikhat ‘Maite’ hnam ho hming chawi c...