Skip to main content

MAITE VC, YMA LEH THLAITHAR ASSOCIATION HRUAITUTEN ZONET AṬANGA MAITE KHUA TLAWHTUTE LO DAWNGSAWNG:

Dt.22.10.2020 (Ningani) khan, ZONET aṭangin Tv. K.Lalhruaitluanga, Program Executive leh aṭhiante pahnih nen, Maite khuaah Buhseng lai thlalak tumin an lo kal a, VC leh YMA, Thlaithar Association hruaituten lo dawngsawngin zanriah lo buatsaih sak a ni. Zanriah kilho zawhah inkawm hona hun YMA RÛN ah hman ani a, Pu K.Lallianzuala VCP leh  Pu Biakkunga, Pu Zonunthara, Thlaithar Association hruaitute hnen aṭangin ZONET Team te lawmna thusawi ani a, Tv. K.Lalhruaitluanga ZONET hnen aṭangin, VC leh NGO te'n an lo dawnsawn dan chu an beisei loh thu leh an rin lawk loh ang taka dawnsawn an nih avanga  lawmthu sawiin 'Maite khua in Kut hnathawk tute tana Association an din chu, ropui atih thu asawi a, Maite khua an kal chak zia leh nuam an tih thu asawi bawk. ZONET lo kal lai hi, Airuah khawcheng nen a in nan tak avangin an tum tak Buhseng thlalak tur neilo mahse, ZONET aṭanga pek chhuah turin, Maite khaw din anih dan leh khaw chanchin chung changah inkawmna  Pu Vanlalringa ex- VCP leh Pu Lallawma te neih pui an ni.

      Dt. 23.10.2020 (Zirtawp) chhunah, Mizoramin zalenna asual  laia India Sipai nena inkahna hmasa ber, Dt.1&2. March,1966 Aizawl inkah ṭuma telve Maite khua mi panga te kawmna hun siam ani a, hetah hian Pu Lallawma, Pu Pukhuma, Pu Thankhuma, Pu Hlunkunga te  'Tapchhak zawl titi' chu Pu Thankhuma tapchhak zawlah buatsaih ani. He hun hman naah hian an zinga telve, Pu Ralkapthanga erawh rokhawlhna avangin alang ve theilo hlauh a ni.

    Tun ṭumah hian, ZONET Team te hian, an thil tum tak rawn ti theilo mahse, an thil rawn tih chu beisei loh zawk Programe hlawhtling tak anih thu an sawi a, November thla chawlkar tir lamah Buhseng lai thlalak tuma rawn kal nawn leh ngei an  tum thu an sawi bawk. Kan khawtlanga buh leh thlai thar te, darhzau zawka phochhuahna hun ṭha kan neih leh ngei theih hi a duhawm hle  dawn a ni.
==================

Source : YMA AW (MAITE Br. YMA CHANCHINBU) issued 25/10/2020

Comments

Post a Comment

Popular posts from this blog

MAITE KHUA - Vanlalhriata Pautu

        Maite khua Geographical location chu hetiang hi a ni. Maite khua hi Mizoram, Aizawl District chhunga awm niin, Aizawl aṭanga chhim chhak lam Mizoram laili taka awm a ni. Latitude 23 ° 30’ N leh Longtitude 93 ° E a awm a ni a. Altitude 400m vel a ni, Rainfall chu 2000mm – 2500mm niin, Maite ram hi Tropical Evergreen Forest & Semi Evergreen Forest a ni. Ṭawi Wildlife Sanctuary bulṭhut khawchhak lam a awm a ni. Kumtluanin, nipui lai tih loh chuan khua a vawt nuam ṭhin hle. April - August chhung hian ruahtui a tla tamin, khua pawh a lum deuh ṭhin.  Khaw awmdan (Temperature) chu Nipui lai in 20 ° - 33 ° C leh Thlasik ah 8 ° - 20 ° C a ni. Favang boruak a nuam hle a, a vawt lova hetih lai hian a lum huam huam lo  a ni.  Ṭawi Constituency ah awmin, Saitual Police Station, Saitual Sub-Division(Civil) leh Thingsulthliah Rural Development Block huam chhung ah a awm a, Power & Eclectricity chu Serchhip, Bukpui Transmi...
Post a Comment
Read more

HOSPITAL RUNTHLAK TAK CHU!

Lalengzuala Pautu Maenga March 11, 2012  ·  HOSPITAL RUNTHLAK TAK CHU!!!... spital chhungah chuan a nunna thapa tlanluh rawk rawk a duh a ni. Mahse, kawngkhar vengtute chuan Hospital-a lut reng reng sum pe kim lova chhuah theih a nihloh thu hrilh in, chu tlangval pawh chu a Nu lachhuak tura Hospital chhunga luh an phal tlat lo!! A hmangaih a NU tan thingthia kutsuih meuha khawngaih dil in, mei alh sen zuai zuai leh khu dum ngun chhungah chuan luh dilin Damdawi In Gate vengtute chu tahawh ngawih ngawih mahse ngaihsak a hlawh silo! “Engati nge khawngaihna tlem tal pawh lantir lova, he dan nunrawng ber hi ka lakah in lekkawh tlat theih zawk ni!?” tiin Gate vengtute kianga thingthi hnawk chung chuan a tap zawih zawih a. Chu tlangval chuan Hospital Gate vengtute hnenah chuan cheng sing nga an pek tawh thu leh a bak cheng singkhat nen chuan khawi hmunah mah an tlanbo loh tur thu sawi lawm lawm mahse ngaihsak a hlawh silo. “Ni hnih hnu ah chuan Hospit...
Post a Comment
Read more

EI LEH BARA INTODELH, MAITE KHUA

A pian chhuah dan leh a luah hmasatute: Mizoram thingtlang khua kan tih zingah hian Maite khua tluka ei leh bara intodelh hi awm chuangin ka ring lo. Ram buai laia an tuar dan leh khaw khawm dan pangngai ni lo, inkahna avanga sipai thinrimin an khua leh an thil neih zawng zawng halfaisak kelh a, hak thlak pakhat te mah nei lova, khaw pahnih kalkana an hruaikhawm an ni tih hretu chuan hetia an intodelh leh thei mai hi mak ti lo fa an awm lovang. Maite khua hi Kum 1720 – 1730 vela Lusei hoten Tiau lui an rawn kan lai a, an hmaa thlang lo tla hmasa Hmar (Hman lai chuan Hmarh an ti) ho khuate zinga pakhat a ni.  Biate leh a chheh velah khian eng emaw ti chhung chu an khawsa kual phawt a. Chumi hnuah ho khat chu Lalmanganu hovin Maite-ah hian an rawn tla thla a. Tun thleng hian an sul hnu hmuh tur a la awm a. ‘Lalmanganu Lawm rawih ni’ tih pawh Maite an awm lai a mi hi a ni. Maite khua hi khaw taimaa sawi reng thin an ni a. Ei leh barah pawh Mizoram khuaah hian anni aia intodelh an awm ...
Post a Comment
Read more